Cocedura tradicional e Mostra da Olería en Buño

As pezas colócanse con tixolos na parte superior do forno.











Nas inmediacións prepárase lama.










Coa lama féchanse os furados deixados entre tixolos.












A parte darriba péchase con cachos de cerámica para que o lume non escape.













A carón da parte inferior do forno, amoreanse tres tractores de toxo seco para facer o lume.


















O toxo logra os 900 graos de temperatura que se precisan para a cocción das pezas.














Na parte superior sae o fume e as chamas nun proceso de cocción que dura máis de 3 horas.













Na Mostra da Olería de Buño amósase unha reproducción en cerámica do "Guernica" de Picasso.









As pezas de Buño combinan tradición e innovación.









Un torno tradicional de oleiro decora a parte central da Mostra da Olería de Buño.

Henrique Sanfiz entrevistando ao presidente da Asociación de Oleiros de Buño Antonio Pereira "O Rulo"

A cacholada de Zidane, en galego

Ahi vai o texto da canción do verán en Francia. Denomínase "Coup de boule" e alude con ironia, á cacholada que Zidane lle pegou a un xogador italiano na final do Mundial. Este é o texto do éxito en francés, verquido ao galego. Que vos preste.

Attention, c’est la danse du coup de boule.
Coup de boule à droite, coup de boule à gauche,
allez les Bleus,
Zidane il a frappé, Zidane il a tapé,
l’arbitre l’a vu à la télé mais la coupe on l’a raté,
on a quand même bien rigolé.

Atención, é o baile da cacholada
Cacholada á dereita, cacholada á esquerda
Adiante os azuis
Zidane golpeou, Zidane petou
O arbitro viuno na tele, pero a Copa fuxiu,
Ao menos pasámolo ben.

O ar fresco de Faltriqueira

Effecto Faltriqueira. Chámase así o segundo album deste grupo de rapazas de Pontedeume. Beben da música tradicional, pero inundan ese regato con orixinalidade, polifonías e un toque sorprendente de "madrigalismo". Recuperan, renovan e reinterpretan temas de Andrés Dobarro, Fuxan os Ventos e Victor Jara. Presentaron o disco ao pé da Igrexa de San Andrés de Cabanas, a carón do Pazo dos Rioboo -onde o naturalista Victor López Seoane xuntou a finais do século XIX unha das mellores coleccións de insectos e volvoretas do mundo- na denominada Cantina do Atallo, onde tamén tradición e modernidade se fusionan con descaro. O alcalde de Pontedeume Belarmino Freire, o tenente de alcalde Manuel Rei, o coordenador musical da Rádio Galega Xose Luís Freire, o productor audiovisual Anxo Fernández aplaudiron a valentía das "faltris" neste acto celebrado o sábado 10 de xuño do 2006. Máis información sobre os traballos e sobre os concertos en >www.faltriqueira.com<

Ironia e humor en San Sadurniño

O cantautor de Sigüenza Alberto Pérez quedouse co público no concerto ofrecido o sábado 13 de maio no pub Dzine de San Sadurniño (A Coruña). Contou o músico da Mandrágora que nunha viaxe a Ferrol, décadas atrás, subian o porto de Pedrafita do Cebreiro a ritmo de tartaruga cando a furgoneta que circulaba diante parou o seu motor. Os acompañantes do vehículo de Alberto Pérez empuxaron o automóbil averiado, que transportaba ao Trío Los Panchos. As poucas horas, a emblemática formación coincidía de novo, coa orquestra dirixida por Alberto Pérez, tocando nun escenario en Ferrol. Ao marxe das ocurrentes anécdotas, Pérez deleitou aos asistentes ao concerto de Dzine, con boleros dos máis tradicionais ( Corazón loco, Quizás, ...) e cancións recuperadas do repertorio do pub La Mandrágora, onde compartía ilusións con Joaquín Sabina e Javier Krahe.

Barreiro invita aos máis novos a falar galego

Viciños de Carral representaron a obra de Manuel Maria "Abril de lume e ferro"

O presidente da Real Academia Galega Xose Ramón Barreiro convidou esta mañá aos máis novos a falar galego, "xa que é unha lingua que vale para amar, para rezar e para todas as tarefas da vida". Realizou esas manifestacións no acto de lembranza aos "Mártires de Carral" celebrado esta mañá na localidade coruñesa. Máis información sobre o acto e reportaxe fotográfico en http://www.radiofene.org/

En lembranza dos Mártires de Carral

Radiofusión realizará o vindeiro mércores 26 de abril un programa especial divulgativo en torno aos sucesos que acaeceron en Galiza en abril de 1846. Aqueles feitos remataron cun irregular Consello de Guerra e co fusilamento de 12 militares na vila coruñesa de Carral. O espacio poderá sintonizarse de 9 a 12 da mañá en RADIOFUSION Ferrolterra (107.7 da Frecuencia Modulada na área Ferrol A Coruña) e de 7 da tarde a 10 da noite no circuito galego das emisoras municipais. Precisamente máis dun cento de viciños de Carral participaron o sábado 22 de abril nunha ofrenda floral lembrando aos denominados "Mártires da Liberdade". Representaron a obra de teatro de Manuel María "Abril de lume e ferro", coa asistencia da delegada provincial da Consellería de Cultura e Deportes Milagres Lantes. A Real Academia Galega tamén organiza para o vindeiro mércores actos en lembranza dos fusilados. Os sucesos de abril de 1846 considéranse o primeiro episodio do galeguismo organizado, dado que, o que era un pronunciamento militar progresista do comandante Solís, convertiuse nun amplo movemento civil.

O epicentro no mar

Segundo informa o Instituto Sismográfico, o epicentro do tremor rexistrado esta mañá atopase nos lindes da plataforma continental galega. O punto situase 43 graos latitude Norde, a 91 quilómetros da Coruña, 61 de Camariñas e 48 de Malpica. Non se teñen noticias ata o momento que falen de danos persoais, nen de danos materiais de importancia por este tremor.

Un tremor de terra no norde de Galiza

As 7,30 desta mañá percibiuse un tremor de terra na costa norde de Galiza. Na miña vivenda en Fene, despertamos toda a familia, despois dun ruido semellante a unha tronada. Despois, o tremor abaneou todos os mobles e lámpadas da casa. Asomámonos as ventás e na rúa non se via ningún desperfecto de importancia, ainda que sí saína os viciños preocupados. A Radio Galega informa que o terremoto alcanzou os 5 graos de magnitude, e co epicentro a 69 quilómetros ao noroeste da Coruña.